|
Strijd tegen de Blauwalg.
Om de doorstroming van het water in de Groene Ster te
bevorderen, heeft de Gemeente Leeuwarden een verbindingsbuis
aangelegd tussen de grote zwemplas en de honden uitlaatplaats.
Door het hoogte verschil tussen de beide plassen van ongeveer 1
meter, ontstaat een natuurlijke stroming.
Komende dagen wordt er warm zomerweer voorspeld, met weinig
wind; ideale omstandigheden voor de vorming van blauwalg. Het
zal nu moeten blijken of deze maatregelen voldoende zijn.
De FNP heeft aan het College van burgemeesters en wethouders de
onderstaande vragen gesteld, betreffende de blauwalg in de
Groene Ster:
(tekst: persbericht FNP Leeuwarden)
FNP: Gemeente laks by oanpak blau-alch.
Troch blau-alch kinne geregeld tûzenen Ljouwerters net swimme yn
de Griene Stjer. De tredde simmer op rige bedjert it
irritearjende plantsje de wetterwille foar minsk en bist.
Eardere tasizzings ha gjin oplossing brocht. De FNP wol dat de
gemeente Ljouwert hjir en no mei ôfdwaande maatregels komt. ‘De
Blauwe Diamant’ kin him yn it heechseizoen gjin ûnfeilich
swimwetter permittearje, seker net yn it wichtichste mar tagelyk
gefoelige rekreaasjegebiet.
Foar mear ynformaasje kin kontakt opnommen wurde mei Pier Tilma,
058 – 2169285 of 06-55708393.
Hjirûnder steane de fragen yntegraal opnommen:
Oan it Kolleezje fan boargemaster en wethâlders fan Ljouwert
Ljouwert, 24 july 2007
Oangeande: fragen yn it ramt fan kêst 41, lid 1 fan it reglemint
fan oarder oer de resinte konstatearring fan blau-alch yn it
swimwetter fan de Griene Stjer
Rju achte Kolleezje,
Nei oanlieding fan ferskate artikels yn de Ljouwerter krante oer
it op ‘e nij foarkommen fan blau-alch yn de Griene Stjer hat de
FNP-fraksje in tal fragen dêr’t wy graach antwurd op hawwe wolle.
It is in fêst weromkommend simmerfenomeen wurden mei yngripende
beheining fan it gebrûk fan it rekreaasjegebied. Dat krekt yn in
tiid dat dêr hiel folle ferlet fan is (neffens it statistysk
jierboek fan de gemeente Ljouwert giet sawat 60-70% fan alle
Ljouwerters simmerdeis wolris ien of mear kearen nei de Griene
Stjer). Foar de FNP is de blau-alch in griene ûnsuverens is yn
ús Blauwe Diamant
It foarkommen fan blau-alch is fan ynsidint ta in struktureel
probleem wurden.
Troch de klimaatsferoaring stekt de blau-alch net mear by
útsûndering de kop op mar is it in fêst simmerferskynsel wurden
mei yngripende konsekwinsjes foar minsk en bist. De Griene Stjer
yn it bysûnder liket in risikogebiet te wêzen foar dizze
ûntjouwing. Yn Fryslân is de blau-alch yn 2007 oant no ta
allinnich dêr konstatearre. Dit no strukturele probleem raast
dêrom om in oplossing. De FNP-fraksje fynt dat alle mooglike
maatregels naam wurde moatte sadat blau-alch yn ús yntinsyf
brûkt rekreaasjegebiet yn de takomst net mear foarkomme kin.
De stêd Ljouwert as Blauwe Diamant kin him gjin blau-alch
permittearje.
Kosten noch muoite wurde sparre om Ljouwert del te setten as in
wetterstêd. De blau-alch yn de Griene Stjer is dêrmei net
allinnich in lêst foar minsk en bist mar jout ek imagoskea oan
de stêd. De FNP-Ljouwert fynt dat de Blauwe Diamant him soks net
permittearje kin en alles yn it wurk setten wurde moat om de
oproppen ferwachting wier te meitsjen.
Hat it Kolleezje it probleem blau-alch ûnderskat of lit sy de
saak blau blau?
It is net de earste kear dat de FNP fraksje dit ûnderwerp op it
aljemint bringt. 22 maart 2006 ha wy fragen steld yn ‘e Kommisje.
1 juni datselde jier hat it kolleezje de rie ûndersyk tasein. Us
is dúdlik wurden dat trochstreaming fan wetter in oplossing wêze
kin. Wy binne no in jier fierder en freegje it Kolleezje of it
ûndersyk ek risseltaat oplevere hat en of der ek ôfdwaande
maatregels naam wurde sille sadat de blau-alch ús allegearre net
mear jûkje sil.
De fragen op in rygje:
Is it Kolleezje it mei ús iens dat de blau-alch fan in
ynsidinteel foarkommen in struktureel probleem wurden is en dat
dêr benammen yn it rekreaasjegebiet De Griene Stjer in ôfdwaande
oplossing foar komme moat?
Fynt it Kolleezje ek dat de blau-alch Ljouwert as Blauwe Diamant
imageskea jout?
Hat it Kolleezje it probleem skerp en is it foarnimmens aksje te
ûndernimmen?
Wy gean der fan út dat it Kolleezje ús fragen binnen de dêrfoar
jildende termyn fan 30 dagen skriftlik beäntwurdet.
Mei rju achtinge,
Pier Tilma
FNP-fraksje
18-04 2007: Aan de westzijde van de Groene Ster wordt een
verbindingsbuis aangelegd tussen de grote zwemplas en de honden
uitlaatplaats
|